Refr.. Fredi is famos, Fredi hett wat los,
Fredi is soon richtigen Arster Jung.

1. Fredi haut de scheeben Steene richtig glatt,
ploostert di ok alle krummen Wege platt.
He hett lehrt dat Handwark, dat is lang all her,
as he noch soon lütjen Bödel weer.

2. Strookelt sine Karin denn am witten Boort,
he denn gor nicht mit den veelen Küssen spoort.
Denn seggt he : „ Mien leeve, söte Zuckerschnut,
du bist jümmer miene schönste Bruut!“

3. Fredi is all lang in Arster Turnvereen,
turnt und springt wie’n Hirsch op sine scheeben Been.
„ Fredi, Fredi,“ bolkt denn all de ganze Sool,
„ Fredi mook den Bochsprung noch eenmool!“

4. Use Fredi is nu mool een leben Keerl,
mookt und deiht , versteiht und kann so manchet veel.
Bist in Not und kannst alleen nicht wieterkoom,
helpt di Fredi furs bi dienen Kroom.