In lester Tiit hebb ek fook'n hört, dat blous so weinige, dei hier wohnt, Platt snack'n künnt un dat dat in tain Joan woll gans vobi is. Vo twei Joan woll ek ouk amool wat up platt mook'n un hebb denn de Geleert'n in Brem'n froocht, wi man de Wöe schriib'n mutt, dormit dei, de dat lees'n dait ouk weit, wi dat utsprook'n wat. Wat hebbt sei mi antert? Ek scholl mi man am best'n no de aalgemein'n Rechschriivreegeln von Sass rich'n, denn konn dat jo jeder in siin Dialekt oberdreeg'n. Soun Quatsch har ek aal lang nich meer hört. Denn wenn keiner meer weit wi dei Dialekt ween is, wohen schall he dat denn oberdreeg'n? Denn hebb ek mi oberlech, ob dat mit annern Schriffteik'n gait, dat weer ober veel tou kompliziert wunn'n. Dor hebb ek mi dach, wenn du nun'n Fisch weers, schwomms du nun geeg'n oder mit den Stroum. Dei mit swommt is meistens dout, wenn du geeg'nan swomms strengt dat an, ober du kanns doa henkoom'n, wo't Wooter herkummt. Dat hebb ek eigentlich all jümmer sou mookt. Wer dat noch nich aal faasstellt hett, will ek dat noch eben seigen: Ek versöik de Wöie sou tou schriib'n wi se hier in miine Geegend utsrook'n weert. Worum dei Wöie up ne ganz besondere Oat utsprook'n weert, will ek di hier kloarmook'n (dat allerdings up houchdüüsch, wei woll weeg'n dei Komplexität!) Un ek hebb mi overlech, dat du bolt im Internet ouk richtich hör'n kanns, wi de Wöie utsprook'n weert. Ober dat is noch nich gans sou wiit.